Ministrja e Arsimit në Shqipëri , Mirela Kumbaro Furxhi ka konfirmuar raportimet se Liburn Aliu, ish-ministër në qeverinë Kurti 2 është emëruar në krye të Portit të Durrësit.

Në një postim në Facebook, ajo tha se është një zgjedhje e goditur nga zëvendëskryeministrja Belinda Balluku, shkruan Arbresh.info.

“Shumë i bukur lajmi për emërimin e Liburn Aliut në krye të Portit të Durrësit! Përherë e kemi thënë se Durrësi është porta e përbashkët drejt Adriatikut si për Shqipërinë dhe Kosovën, prandaj nuk mund të kishte zgjedhje më të mirë për ta mishëruar këtë vizion e ndjesi, se sa Liburni, një atdhetar dhe funksionar i sprovuar publik, me të cilin si ish-Ministre e Mjedisit kam pasur marrëdhënie të shkëlqyera bashkëpunimi gjatë kohës kur edhe ai drejtonte sektorët e mjedisit dhe planifikimit hapësinor si Ministër në Kosovë  Zgjedhje e goditur Belinda Balluku  Urime e me krahë të lehta!”, ka shkruar ajo./Arbresh.info/